100 Latgales pilskalni. Solomenku pilskalns

Solomenku. Symtu divdesmit pyrmais. Solomenku pilskolnam vīta atrosta cīši breineiga. Osys i stuovys kaupris vydā, kur obejuos pusēs azari. Garons plakums ar gruovim i terasem apleik. Da pilskolnam brydom puori azaram ar meikstu iudiņa putru zam boltuo snīga. Ejūt nu pilskolna da mašiņu, sateikam vīneigū itamā braucīnī vītejū dzedu - sliepuotuoju. Jis drusku aizblūdejs i vaicoj nu myusu ceļa. Mes moz kū saprūtam nu vītejūs vītu nūsaukumu i sliepuotuoju žargona, jis atmat ar rūku i raun ūtru reizi pa sovom slīdem.